Како да консумирам ленено семе – мелено или цело зрно
Епизода 607 – како е подобро да консумирам ленено семе? Мелено или цели зрна? – прашање поставено од @filipsoko.
Добро е што не постои лоша верзија или опција кога се работи за јадење на лененото семе. Нема да згрешиш доколку го консумираш на ваков или на таков начин. Но, сепак кога зборуваме за подобра искористеност и како подобро ќе помине низ дигестивниот систем, тогаш дефинитивно е подобро да биде мелено. Кога ќе биде сомелено семето дигестивниот систем ќе изгуби помалку време и ќе може речиси во целост да го обработи. Инаку лененото семе е одличен продукт затоа што има супер нутритивен состав. Има и добри масти и добра количина на растителни влакна. Така да продолжи да го консумираш и ете, меленото е прифатено како подобра опција како конечен одговор на оваа твоја дилема.
Хранливи и енергетски вредности – ленено семе
- 100 g ленено семе = 534 калории
- Масти: 42g (65% од препорачаната дневна доза)
- Заситени масти: 4g (18%)
- Транс масти: 0g
- Холестерол: 0g
- Сол: 30mg (1%)
- Јаглехидрати: 29g (10%)
- Влакна: 27g (109%)
- Шеќери: 2g
- Протеини: 18g
Вредности на витамини и минерали – ленено семе
- Витамин B1: 1.6mg (110%)
- Витамин B2: 0.2mg (9%)
- Витамин B3: 3.1mg (15%)
- Витамин B6: 0.5mg (24%)
- Витамин K: 4.3mcg (5%)
- Фолна Киселина: 87.0mcg (22%)
- Калциум: 255mg (26%)
- Железо: 5.7 mg (32%)
- Магнезиум: 392mg (98%)
- Фосфор: 642mg (64%)
- Калиум: 813mg (23%)
- Цинк: 4.3mg (29%)
- Бакар: 1.2mg (61%)
- Манган: 2.5mg (124%)
- Селен: 25.4mcg (36%)
Идеи како да го користите ленено семе
Еве на кои начини можете да ја збогатите вашата исхрана со ленено семе:
- Купете мелено ленено семе или сами мелете го (зборувавме погоре поради кои причини е подобро мелено). За мелење можете да користите електрична мелница за кафе или да го искористите вашиот блендер или секач.
- Додадете ленено семе во јадењата кои обично ги јадете (јогурт, овесни снегулки, па дури и супа).
- Користете го во печење (како додаток во брашното за леб, колачи, палачинки или пециво).
- Чувајте го семето во фрижидер (целите семки ја задржуваат свежината и хранливоста, но мелените треба да се чуваат на ладна температура).
Погледни многу повеќе содржина на мојот YouTube канал или на мојот блог и не порпуштај да направиш subscribe.