јадење под стрес

Јадење под стрес

Дали јадење под стрес всушност го намалува стресот

Јадење под стрес обично не го намалува стресот, а ако се практикува премногу често, може да ги зголеми и килограмите. Емоционалното јадење одвреме-навреме ни се случува на повеќето од нас. Можеби си се развеселил со канче сладолед по невообичаено тежок ден. Но кога емоционалното јадење ќе излезе од контрола, односно кога јадењето е прва и најчеста реакција на негативните мисли и чувства, време е да подразмислиш. Дали се работи за емоционален или физички глад?

Физички или емотивен глад

Има неколку показатели што може да ти помогнат да направиш разлика меѓу емоционален глад/јадење кога си под стрес и вистински физички глад.
1. Емоционалниот глад при стрес обично се јавува ненадејно. Се чувствуваш напнато и под стрес и одеднаш ти се пријадува благо или грицки. Од друга страна, физичкиот глад обично доаѓа постепено. Почнуваш да се чувствуваш гладно, но можеш да причекаш за јадење. Тоа ти дава време паметно да избереш и гладот да си го задоволиш со нешто што е добро.

2. Кога јадеш под стрес добиваш огромна желба за слатка храна, храна со високо ниво на масти и многу калории. И обично не се работи за 2 коцки чоколадо. Ти се јаде нешто тешко, големо и со 5 слоеви ако може :).

3. Кога ќе се задоволи физичкиот глад и ќе ти дојде пријатно на желудникот, тоа е сигнал дека си најаден/а и престануваш да јадеш. Но кога емоциите ги држат конците во раце, многу е лесно да игнорираш што ти кажува желудникот.

4. Кога јадеш кога си под стрес, тоа може моментално да ти го подобри расположението. Од друга страна за исто толку брзо време настапуваат срамот и вината. За разлика од ова, на пример кога ќе завршиш со оброк што го задоволил физичкиот глад, обично потоа нема вина за храната.

Како да се справиш со јадење под стрес

1. Водењето дневник за исхраната може навистина да ти помогне. Ќе видиш што те поттикнува да јадеш кога си под стрес. Секогаш кога ќе почувствуваш потреба да јадеш, запиши си колку си гладен на скала од 1 до 10. (1 = ќе се онесвестам од глад; 10 = толку сум прејаден што морам да се раскопчам).

2. Не ги сокривај чувствата. Емоциите поттикнуваат јадење под стрес. Во ред е понекогаш да бидеш лут/а или осамен/а. Чувствата може да бидат непријатни, но не и опасни. Сподели му некому, но не да се жалиш.

3. Работи на вештини за справување. Кога ќе ти се случи стрес, запрашај се „ Што е најлошото што може да ми се случи ако не јадам“? Нивото на стрес може малку да се покачи, но чувството ќе помине. Вежбај како да ги поднесуваш емоциите.

4. Најди алтернативи за јадењето. Одвои некое време за да размислиш за своите чувства и за начините како да го решиш проблемот. Направи список со работи што може да ги правиш наместо да јадеш. На пример, пешачење, слушање
музика или медитирање.

5. Одвикни се од лошите навики. Луѓето што јадат на емоционална база ја застапуваат идејата дека најдобар начин за справување со негативните емоции е со храна. И како и сите други лоши навики, јадењето под стрес се случува уште пред да добиеш шанса да размислиш за него. Затоа направи превентива. Одвикни се од лошите навики. Најдобар начин е да внесеш нови и добри. Почни да вежбаш на пример или било што друго наместо да јадеш кога имаш лош ден.

6. Дај си време и почекај. Луѓето што јадат кога се под стрес, често се плашат дека ако не ја задоволат преголемата желба за јадење, таа ќе стане уште поголема. Пробај еве со тактики за одложување. Ќе се изненадиш дека желбата едноставно ти поминува.

Остави коментар

Your email address will not be published. Required fields are marked *